Hugot nga gimonitor karun sa buhatan sa Department of Agriculture ang presyo sa mga bugas sa mga nagkadaiyang merkado tungod sa hugot nga pag dili niini sa importasyon.
Kini ang gikumpirma ni Agriculture Secretary Francisco Tiu Laurel Jr. Tuyo ug tumong sa nasampit nga lakang mao ang pagsiguro nga ang ₱43 matag kilo nga kinatas-ang presyo sa imported nga bugas maobserbahan.
Dugang pa sa kalihim, iya nang gi-tahasan ang Agribusiness and Marketing Assistance Service kun (AMAS) nga motutok sa mga merkado nga adunay mga reklamo sa kamahal sa presyo sa imported nga bugas.
Samtang gitaho usab ni DA Assistant Secretary Genevieve Velicaria-Guevarra niingon nga mopadala og suwat ang ilang departamento sa upat ka mga merkado sa Metro Manila nga gikatahong namaligya og bugas sa taas nga presyo.
Samtang giklaro nga ang AMAS sa mga merkado tumong aron susihon ang mga kalapasan sa presyo ug susihon usab nila ang mga bodega aron masuta kung adunay igong suplay sa bugas. Dugang pa sa kalihim nga igo gihapon ang suplay sa imported nga bugas bisan pa kon lugwayan ang importation ban.
Photo courtesy to:DA
