Nagtala og pagkunhod sa kita ang Philippine Amusement and Gaming Corporation (PAGCOR) human gihimo sa gobyerno ang paghugot batok sa online gambling.
Sumala ni PAGCOR Offshore Gaming Licensing Department AVP Jessa Fernandez, mikunhod og hangtod 49 porsyento ang kita sa ahensya.
Dugang niya, sa ilang projections, unta mikita sila og P60 bilyones sa unang unom ka bulan sa tuig, apan tungod sa paghugot, mikunhod ang kita.
Kahinumduman nga niadtong Agosto, gitangtang na sa gobyerno ang mga links sa mga e-wallets gikan sa mga online gambling platforms. Giklaro niya nga minimal lamang ang kontribusyon sa online gambling sa panudlanan (kaban) sa gobyerno.
Photo courtesy: PNA
