Gipaniguro sa Department of Trade and Industry (DTI) nga magpabilin ang agresibong kampanya batok sa mga dili rehistradong produkto human gipangguba niini ang kapin ₱4.6 milyon nga kantidad sa mga ceramic sanitary ware ug steel products sa bodega sa Fair Trade Enforcement Bureau sa Marikina City.
Sumala ni DTI Assistant Secretary Regino Mallari Jr., ang mga produkto nga gipangguba maoy resulta sa padayon nga operasyon sa NCR ug ubang rehiyon, diin ang mga nakumpiskar nga butang ipasaka ug kaso sa wala pa kini gubaon sa gobyerno.
Gipasabot ni Mallari nga delikado kini nga mga produkto kay wala makasunod sa Philippine Standards (PS) ug Import Commodity Clearance (ICC) nga timailhan, nga supak sa Republic Act 4109 o Product Standards Law. Giingon usab niyang husto ang aksyon ilabi na human sa sunod-sunod nga linog sa nasud.
Gialuman sa DTI n nga molapas sa ₱300 milyon nga kantidad sa mga nakumpiskar nga substandard ug unregistered products karong tuiga, mas taas kumpara sa record sa 2024.
SOURCE: PNA
