Usa ka dako nga milestone ang nakab-ot sa Kapamilya actress nga si Kathryn Bernardo human ipahibalo nga siya ang sunod nga Filipino celebrity nga himuan og wax figure sa sikat nga Madame Tussauds sa Hong Kong
Gipost mismo ni Kathryn sa iyang social media accounts ang iyang kalipay ug pasalamat sa maong oportunidad. Ang wax figure ni Kathryn ipahimutang sa Madame Tussauds Hong Kong ug ipaila sa publiko sa tuig 2026. Gihimo na ang sitting session niadtong Agosto diin gikuhaan siya og sukod ug daghang hulagway aron masiguro nga pareho gayud ang hitsura sa wax figure.
Usa pa sa nakapadugang og kahulugan sa milestone mao nga ang lugar nga Hong Kong aduna pud personal nga bililhon kang Kathryn, kay kini ang setting sa iyang blockbuster movie nga Hello, Love, Goodbye.
Photo courtesy: ABS-CBN Film Productions Inc. (Star Cinema)
