Gihangyo ni PMAJ. Niel Mark C. Quipanes, Station Commander sa Iligan City Police Station 5 (ICPS-5), ang kooperasyon sa publiko nga dili maglangan sa pagtawag ug pagduol sa kapulisan kung adunay mamonitor nga mga kadudahang lihok sa tawo nga makapahasol sa seguridad. Kini iyang gibutyag atol sa eksklusibong pakighinabi sa Juander Radyo News Team.
Gipasabot usab ni Quipanes nga bisan nagbag-o na ang liderato sa PNP sa nasud, padayon gihapon nilang gipalig-on ang 5-minutes response time aron mahatagan dayon ug saktong serbisyo ang katawhan ilabina sulod sa iyang area of responsibility sa higayon nga kini naa sa peligro.
Nagpadayon usab ang ilang matag adlaw nga operasyon nagtutok sa pagsulbad sa kriminalidad sa Iligan, ug gihangyo nila ang publiko nga magtinabangay aron mapalig-on ang kalinaw ug seguridad sa komunidad.
