Dili na luwas nga puy-an ang upat ka mga istraktura sa lungsod sa Carrascal, Surigao del Sur human makita sa Municipal Disaster Risk Reduction and Management Office (MDRRMO) nga dunay kadaot tungod sa 6.2 magnitude nga linog nga nahitabo sa miaging adlaw.
Ang maong mga istraktura naglangkob sa duha ka barangay nga pasilidad ug duha ka residential nga balay. Gawas niini, gikonsiderar usab nga kritikal ang pipila ka kalsada, tulay, eskwelahan, ug uban pang pasilidad sa maong lugar.
Matod pa ni Mayor Joseph Urgel, kaluwasan sa katawhan ang iyang gipanguna aron malikayan ang bisan unsang disgrasya nga may kalabotan sa linog.
Photo Courtesy To: LGU Carascal
