Gipahugtan sa DTI ang pagmonitor sa presyo sa Davao Oriental human sa kusog nga linog nga nitay-og sa Davao Oriental (magnitude 7.4 ug 6.8 , gipatuman dayon sa Department of Trade and Industry (DTI) ang mas hugot nga pagmonitor sa presyo sa probinsiya aron masiguro nga walay abnormal nga pagsaka sa presyo sa mga batakang palaliton.
Matod sa DTI Davao Oriental, ang presyo sa mga produkto sama sa delata, gatas, kape, sabon, asin, instant noodles, ug bottled water nagpabilin sa saktong SRP (Suggested Retail Price) base sa inisyal nga monitoring sa mga lungsod sa Manay, Tarragona, Baganga, Caraga, ug siyudad sa Mati.
Gipasabot ni Provincial Director Ma. Joycelyn Banlasan nga ilang gihimo ang unang monitoring niadtong Oktubre 13, usa ka adlaw sa wala pa ang deklarasyon sa State of Calamity sa tibuok probinsiya, aron dunay basehanan sa pagtuman sa Price Freeze Advisory. Sugod niadtong Oktubre 14, gimando sa DTI ang mga negosyo nga sundon ang price freeze, nga epektibo sulod sa 60 ka adlaw. Ang DTI nipasidaan nga ang makalapas sa maong kamanduan pahamtangan og silot.
Photo courtesy to:Inquirer.net
