Gilunsad sa Philippine Coconut Authority (PCA) ubos sa Coconut Farmers and Industry Development Plan (CFIDP) ang Mobile Health Services, nga maghatag og libreng serbisyo medikal alang sa mga mag-uuma sa lubi sa rehiyon sa Caraga.
Tumong sa maong programa nga madool ang mga batakang serbisyo panglawas ngadto sa mga hilit nga dapit, ilabi na sa mga benepisyaryo nga mga mag-uuma sa lubi nga kasagaran layo sa mga medical facility.
Sumala sa PCA Caraga, ang mga mag-uuma makapahimulos sa libreng medical consultation, dental services, laboratory tests, ug libre nga tambal pinaagi sa maong mobile health initiative.
Dugang pa sa ahensya, ang Mobile Health Services usa ka bahin sa mas lawom nga tumong sa CFIDP nga dili lamang pagpalambo sa panginabuhian sa mga coconut farmers, apan lakip usab ang pag-atiman sa ilang kahimsog ug kalamboan.
Photo courtesy: PCA- Caraga
