Gitataw sa Kapuso actress nga si Gabbi Garcia nga wala pa sila magdali sa iyang longtime boyfriend nga si Khalil Ramos nga magpakasal. Matod ni Gabbi, buot nilang i-enjoy una ang ilang relasyon ug ang ilang mga karera samtang nagpadayon ang ilang panag-uban isip mag-uyab.
“It doesn’t mean you love the person less because you still don’t want to get married now. It doesn’t mean that way. It’s just, wala, you just don’t feel it yet. And when the time comes, it’s gonna happen. You will feel it,” matod pa ni Gabbi atol sa paghinabi ni Boy Abunda sa The Interviewer.
Dugang pa sa aktres, lig-on ug lawom na ang ilang relasyon ni Khalil ug wala na sila nagpaapekto sa pressure gikan sa publiko. Gipasabot usab ni Gabbi nga mas gusto nilang ipatigbabaw ang ilang gugma pinaagi sa suporta ug pagsinabtanay imbes nga dali-dalion ang pagminyo.
Samtang nagpadayon sa ilang mga proyekto sa showbiz, nagpabiling stable ug happy ang relasyon sa duha, nga sukad pa sa 2017 nagkasinabtanay na isip partners sa trabaho ug kinabuhi.
Photo courtesy to:Manila Bulletin
