Giturn-over ang Php29-M nga livelihood assistance ngadto sa mga benepisyaryo sa Agusan del Sur pinaagi sa Department of Social Welfare and Development (DSWD) Caraga atol sa turnover ceremony sa Datu Lipus Makapandong Cultural Center, Patin-ay, Prosperidad.
Mokabat sa 37 Sustainable Livelihood Program Associations (SLPAs) ug 554 ka indibidwal nga benepisyaryo, lakip ang mga corporate tri-wheeled vehicles aron masuportahan ang ilang panginabuhi. Matod ni Assistant Regional Director Parajes, ang maong ayuda dili lang pinansyal nga tabang, kondili usa ka puhunan alang sa kalig-on ug kalamboan sa komunidad.
Samtang, si Cong. Adolph Edward Plaza mipahimangno sa mga benepisyaryo nga ampingan ug palambuon ang gihatag nga proyekto aron magpadayon ang ilang kabuhayan. Kini nga kalihokan nagpamatuod sa padayon nga suporta sa DSWD alang sa malungtarong ug inklusibong pag-uswag sa rehiyon.
Photo Courtesy to: PIA-Agusan Del Sur
