Gipahigayon ang usa ka Dialogue ug Focused Group Discussion on Security and Safety of the Bench and Bar sa Office of the Senior Citizen Affairs (OSCA) Conference Room, uban ang Integrated Bar of the Philippines (IBP) – Surigao del Sur Chapter ug laing mga stakeholders.
Gilantaw sa aktibidad ang paglig-on sa koordinasyon ug seguridad aron maprotektahan ang mga myembro sa hudikatura ug legal nga propesyon batok sa hulga ug kalihukan nga makadaot sa ilang kaluwasan.
Gidiskusyunan ang mga insidente sa hulga sa mga huwes ug abogado, ang pagpatuman sa mas hugot nga security protocols sa korte, ug ang koordinasyon sa mga kalihukan panahon sa emerhensya o katalagman.
Kini nga panagtigom nagsilbing plataporma sa panaghiusa sa justice sector, nga nagpakita sa ilang tinud-anay nga paningkamot sa pagpanalipod, paghatag seguridad, ug pagpalig-on sa rule of law.
Photo Courtesy To: City Government of Bislig
