Dakpan ang usa ka 29-anyos nga lalaki atol sa gilusad nga anti drug buy-bust operation pinaagi sa mga personahe sa Aurora Municipal Police Station ug Zamboanga del Sur Provincial Drug Enforcement Unit sa koordinasyon sa PDEA-9 sa Purok Rosas A, Barangay San Jose, Aurora, Zamboanga del Sur, adlaw’ng lunes, Oktubre 20, 2025.
Ang suspetsado nalista isip Newly Identified Street Level Individual (SLI) diin nabawi gikan kaniya ang unom ka gagmay’ng pekete sa gituohang shabu ug laing duha ka medium size sachet, mga buy-bust money, ug usa ka transparent bubble wrap container.
Ang mga nakumpiska nga mga druga gisubmitar sa Zamboanga del Sur Provincial Forensic Unit, Camp Abelon, Pagadian City, alang sa laboratory examination.
Nakakustudiya na karon ang suspetsado sa Aurora Municipal Police Station alang sa disposasyon ug dokumentasyon. Samtang gi-andam na sa korte ang kasong paglapas sa Comprehensive Dangerous Drugs Act of 2002 kon RA 9165 nga ipasaka batok sa dinakpan.
Photo courtesy to:Aurora Municipal Police Station
