Sikop sa mga personahe sa iligan City Police Station 1 ang usa ka 49-anyos nga lalaki, human nasakpan nga nangawat og mga kahoy sa bodega sa usa ka residente sa Zone 8, Barangay Sto. Rosario, Iligan City.
Nasikop ang suspetsado sa Balite Drive, Barangay Santiago, Iligan City, dihang miresponde ang mga operatiba .
Sa inisyal nga imbestigasyon, nasuta nga ang maong lalaki, residente sa Purok 6 Canaway, Barangay Tibanga, Iligan City, nga kalit lang nga misulod sa bodega sa biktima ug gidala ang mga kahoy nga gibanabana nga mobalor og Php 1,120.00.
Narekober sa mga awtoridad ang gikawat nga mga kahoy nga gikarga sa usaka traysikad nga gimaneho mismo sa suspetsado.
Sa kasamtangan ang suspetsado anaa na sa kustodiya sa Iligan City Police Station 1-alang sa tukmang lakang..
Photo courtesy to: ICPS 1
