Naugdaw ang usa ka establisiemento, samtang duha ang lain pang naapektuhan sa natigayong sunog sa Corner Pulmones Street, Barangay Santiago, Pagadian City, kagabie, Oktubre 17, 2025.
Sa report gikan sa Bureau of Fire Protection (BFP) Pagadian, ang hingpit nga naudaw nga struktura mao ang ” Big Red ” kanhing Alvin Bazar nga gipanag-iyahan sa iladong negosyante nga si Alvin Uy Ang.
Sa nakuhang kasayuran sa Juander Radyo News Team nagsugod ang kalayo pasado alas 8 sa gabie nga dali usab nga girespondihan sa mga personahe sa BFP Pagadian aron maapula ang kalayo.
Apan gumikan nga wa dayon makontrola sa BFP Pagadian ang kalayo kini giisa ngadto sa 3rd alarm hinungdan sa pagresponde sa 14 ka mga Firetrucks gikan sa kasilinganan nga mga Municipal Fire Station sa Zamboanga del Sur.
Gideklara nga fire under control sa BFP personnel mga alas 9:42 sa gabie samtang hingpit nga napalong ang kalayo mga alas 11 kapin kon kulang sa kagabhion.
Wala ray natala nga casualty sa maong hitabo, diin padayon pa usab nga gisuta sa imbestigador sa BFP Pagadian ang hinungdan sa pagkasunog sa maong establisiemento.
