Napalgang patay ang usa ka 42 anyos nga lalaki sulod sa iyang pinuy-anan sa Barangay Lubid, Aurora, Zamboanga del Sur, kagahapon, Oktubre 17, 2025. Sa report sa kapulisan, nakadiskubre ang mismong patay’ng lawas sa igsoon nga babaye nga igo lang unta mibisita sa panimalay sa biktima.
Apan nakurat na lang kini nga nakitang nagbitay ang biktima gamit ang kadena sulod sa mismong balay. Dali usab nga miresponde ang Municipal Health Officer sa lugar nahitaboan aron sutaon ang kamatayon sa biktima.
Gikataho usab nga ang biktima nakasinati ug depresyon hinungdan sa posibleng pagsangpot sa maong buhat. Samtang panawagan sa kapulisan ngadto sa publiko nga may kabanay nga nakasinati ug depresyon sa paghatag pagtagad niini ug ipakonsulta sa Doctor aron kini matambalan.
