Mipartisipar ang Davao del Sur Provincial Tourism Office sa Basic Tourism Statistics Training sa Davao City. Gipakita sa Davao del Sur Provincial Tourism Development and Culture Promotions Office ang ilang aktibong partisipasyon sa 3 ka adlaw nga training nga gipahigayon sa Rogen Inn, Davao City, gikan Oktubre 14 hangtod 16. Apil sa maong kalihokan ang mga representante gikan sa LGUs sa Magsaysay, Malalag, ug Digos City, kauban usab ang uban pang probinsya ug dakbayan sa Rehiyon XI.
Ang maong pagbansay gipangunahan ni Mr. Ronnie Agan sa DOT XI ug sa iyang team, samtang gihatagan ug bililhong kaalam sa tourism data management si Ms. Brena Mae Membre at si Ms. Mylene D. Talana gikan sa DOT Central Office.
Gipasiugda sa training ang importansya sa husto ug standard nga datos aron mas mapalambo ang turismo sa rehiyon. Pinaagi niini, gilauman nga mas mapaayo pa ang mga estratehiya ug kolaborasyon tali sa mga LGUs aron mas mapalapdan ug mapalambo ang turismo sa Davao del Sur—nga labaw sa tanan nga aspeto.
SOURCE: DAVAO DEL SUR TOURISM DEVELOPMENT AND CULTURE PROMOTIONS OFFICE
