Mas epektibo ang mga reporma sa transparency sa panalapi, labi na ang pagtutok sa Bank Secrecy Law, aron batokan ang korapsyon kaysa pagwagtang sa karaang ₱1,000 ug ₱500 nga papel de bangko, sumala sa Bangko Sentral ng Pilipinas (BSP).
Gipasabot sa BSP nga ang demonetization usa ka mahal ug dili garantiya nga solusyon. Ang mga reporma sa transparency, ilabina ang pag-amendar sa Bank Secrecy Law (Republic Act No. 1405), nga maoy usa sa pinakaestrikto sa kalibotan, mas makatabang.
Matud ni BSP Assistant Governor Maria Margarita Debuque-Gonzales, Deputy Governor Mamerto Tangonan, ug Eloisa Glindro (director sa CPID) nga ang pag-relax sa bank secrecy makapasayon sa mga imbestigador sa pagsubay sa ilegal nga pundo ug pagtandi sa mga deposito sa asset declarations samtang makatabang sa pagtukod og kaso.
Usa sa mga prayoridad nga sugyot sa Legislative-Executive Development Advisory Council (LEDAC) para sa 20th Congress mao ang pag-amendar sa Secrecy of Bank Deposits Law.
Photo courtesy to:Inquirer.net
