Hingpit nang nahuman ang rehabilitasyon sa Mahayag Dam ug gilauman nga pormal nang ma turn-over sa bulan sa Nobyembre tuig 2025. Kini subay sa gibutyag ni National Irrigation Administration (NIA) 9 Regional Manager Engr. June Nathaniel S. Plaza atol sa ekslusibong pakighinabi sa Juander Radyo News Team.
Gisaysay ni RM Plaza, lauman nga tambungan ni PBBM ang pormal nga turn-over gumikan kay nagsilbing historical matod pa ang pagbuhat sa Mahayag Dam kay gi-abli pa kini sa administrasyon ni kanhing Marcos Sr. ug gi-rehab panahon ni Marcos Jr.
Una nang giingon RM Plaza, ang Mahayag Dam mao ang pinakaunang mass concrete dam nga adunay walo ka agianan sa tubig nga nahimo sa Zamboanga Peninsula Region. Ang maong Dam mahimong makapatubig sa musobra 8K ka mga ektaryang luna nga mapahimuslan sa sobra 5K ka mga mag-uuma sa humay.
Mapasalamaton sab si RM Plaza ngadto sa Office of Civil Defense (OCD) gumikan sa paggahin ug PHP450,000,000.00 gikan sa ilang Quick Response Fund aron matrabaho ang Mahayag Dam.
