Pinalmente na mano ya del otoridad el dos alegao suspechao na incidente de tiro que ya occuri na Purok 1,lawingan Barangay labuan en este ciudad ayer aga Octubre 16, 2025.
Si ta acorda mientras parao el victima na su bansohan na mencionao lugar derefente ya aparace el riding en-tandem y sin provocacion ya repica con este de bala donde ya sustene un tupada na su detras y este maga tiempo librao ya na peligro.
Por medio de hot-pursuit operation nohay pa 24 hora exito ya puede aresta con el dos alegao suspechao y posible asegun personal agravio el motivo del incidente. Mientrastanto el dos suspechao que nohay pa nombra el otoridad na custodia ya del zcps-10 labuan y esperansao hay enfrenta el propio caso na corte.
