Dili na gayud mapugngan sa singer-actor nga si James Reid sa iyang gibating kasuko batok sa pipila ka JaDine fans nga hangtod karon padayon gihapon pag-post ug mga throwback photos nila sa iyang ex nga si Nadine Lustre.
Sa usa ka bag-ong TikTok video ni James diin makita siyang nagkanta samtang naggitara, nidagsa ang mga netizens sa comment section aron mangumusta ug mangayo ug mga “JaDine moments.”
Apan imbes malipay, klarong napikon si James sa mga komento nga puno sa mga hulagway nila ni Nadine kaniadto.
Dali ra niyang gipagawas ang gibati pinaagi sa usa ka post nga nagpasabot sa kasuko ngadto sa mga fans nga padayon gihapon sa pag-link sa ilang duha.
Daghang netizens ang mi-react sa iyang gibuhat uban misuporta ni James ug nag-ingon nga panahon na aron mag-move on, samtang ang uban wala gihapon makalimot sa chemistry nila ni Nadine.
via: James Reid
