41 ka mga units sa Farm Machineries ang nadawat ug napahimuslan sa 39 ka mga Irrigator’s Association (IAs) sa Zamboanga Peninsula Region. Matod ni NIA 9 Regional Manager Engr. June Nathaniel S. Plaza, ang maong mga machineries mikantidad sa kinatibuk-ang Php 78,186,672.
Ang maong machineries naggikan sa DA-PHILMECH diin nahimong nadawat sa mga Irrigator’s Association gumikan sa paningkamot sa NIA Region 9. Kini milangkob sa 3 units sa Four Wheel Drive Tractor Tier II, 14 units sa Four Wheel Drive Tractor Tier III, 3 units sa Precision Rice Seeder, 11 units sa Rice Combine Harvester Tier II Type I.
Kalakip usab nga nadawat sa mga IAs ang 4 units sa Rice Combine Harvester Tier II Type II ug ang 6 units sa Single Pass Rice Mill, Village Type. Ang maong machineries kabahin sa Mechanization Program nga tuyo aron matabangan ang mga mag-uuma nga mapadali ug maminusan ilang gasto sa pagpanguma.
