Nasikop sa pwersa sa Tagum City Police Station uban ang 1st Davao del Norte Provincial Mobile Force Company ang usa ka 21-anyos nga lalaki sa gihimong buy-bust operation sa Barangay Apokon, Tagum City, alas 1:31 sa kadlawon, Oktubre 14, 2025.
Ang suspek giila sa alyas “Loyloy,” ulitawo, ug residente sa Purok 3G RTU, Barangay Apokon ning dakbayan.
Nakapalit gikan kaniya ang poseur-buyer og usa ka dakong heat-sealed plastic sachet nga adunay sulod nga gituohang shabu gamit ang Php500 bill isip buy-bust money, ug duha ka ginamit nga kopya sa Php1,000 bill, nakuha usab sa iyang posisyon ang lima ka gagmayng sachet sa gituohang shabu, usa ka kaha sa sigarilyo nga Marlboro, ug usa ka itom nga Honda Beat nga motorsiklo nga gigamit sa pag-deliver sa gituohang illegal nga droga.
Gibanabana nga mo timbang ug usa ka gramo ang nakumpiska nga illegal nga butang nga nagkantidad og Php6,800 kapesos base sa standard drug price.
Ang suspek karon anaa na sa custodial facility sa Tagum City Police Station ug atubangon ang kaso sa paglapas sa Section 5, Article II sa R.A. 9165 o Comprehensive Dangerous Drugs Act of 2002.
Photo courtesy to:Tagum City Police Station
