Gikatakda karong adlaw ang paglihok sa presyo sa petrolyo, diin ang presyo sa gasolina ra ang nagtaas karong semanaha. Base sa advisory niadtong Lunes, sumala pa ni Seaoil nga mosaka og 30 centavos ang matag litro sa presyo sa gasolina.
Matud ni Jetti Petroleum president Leo Bellas sa usa ka pahayag kaniadtong miaging semana nga nagpabiling suportado ang gasolina tungod sa pagsaka sa domestic demand gikan sa China ug India, ug maayo nga panginahanglan gikan sa Indonesia.
Ang kerosene adunay gamay nga pagkunhod sa 20 centavos matag litro, samtang ang presyo sa diesel nagpabiling wala mausab. Sukad sa pagsugod sa tuig, ang presyo sa pump sa gasolina, diesel ug kerosene misaka og P14.90, P17.85 ug P5.65 matag litro.
Ang mga kompanya sa lana mipahibalo sa mosunod nga mga pag-lihok sa presyo epektibo ning adlawa:
SHELL, SEAOIL (epektibo 6 a.m.)
Gasoline – P0.30/L nga usbaw
Kerosene – P0.20/L nga pagkunhod
Diesel – walay kausaban
PETROGAZZ, JETTI, PTT (epektibo 6 a.m.)
Gasoline – P0.30/L nga usbaw
Diesel – walay kausaban
Samtang ang CLEANFUEL (epektibo 4:01 p.m.)
Gasoline – P0.30/L nga usbaw Diesel – walay kausaban
Nagpahimangno na ang Department of Energy sa sayo pa nga ang presyo sa gasolina mosaka tungod sa gasto sa negosyo ug uban pang premium cost.
Samtang, ang rollback sa kerosene gipahinabo sa sobra nga suplay human sa pagpadayon sa Iraq sa pag-eksport sa lana gikan sa Kurdish nga rehiyon.
Ang Organization of the Petroleum Exporting Countries (OPEC+) ug ang mga kaalyado niini mipahibalo usab nga dugangan ang produksiyon sa lana og 137,000 ka baril matag adlaw sa Nobyembre.
Gisaysay ni DOE Oil Industry Management Bureau Assistant Director Rodela Romero nga gipadaghan usab sa Estados Unidos ang ilang oil inventory taliwala sa government shutdown.
Photo courtesy to:Top Gear Philippines
