Nanghinaot si Bangko Sentral ng Pilipinas (BSP) Governor Eli Remolona nga masulbad dayon ang mga kontrobersiya kalabot sa flood control projects aron maulian ang stock market ug pagsalig sa negosyo.
Matod pa ni Remolona nga ang BSP nakahukom nga ipaubos sa 5.3% ang growth projection sa nasud alang sa sunod tuig, tungod sa “pessimistic outlook” o negatibong panglantaw gikan sa business sector tungod sa flood control issue.
Mas ubos kini kaysa sa miaging projection sa BSP nga tali sa 6 hangtod 7%. Bisan pa, si Remolona nagpabilin nga malaumon nga ang ekonomiya molig-on pag-usab sa 2027, diin ang pagtubo sa ekonomiya gibanabana nga moabot sa 6.3%.
Photo courtesy to:Prosple Philippines
