TERTIARY LABORATORY SA GTLMH FUNCTIONAL NA; LEVEL 2 APPLICATION GIPANGANDAMAN  

Gibutyag ni Dr. Richillo Duguman-Chief of Hospital sa Gregorio T. Lluch Memorial   Hospital (GTLMH) Iligan o ang kanhi City Hospital nga mahinungdanon kaayo ang laboratory sa ilang hospital diin gawas nga dakong tabang kini sa pagahimoong laboratory test sa mga pasyente makatabang usab kini alang sa application sa gamay nga health facility.

Nunot niini gipahibalo usab ni Dr. Daguman nga ning kasamtangan functional na ang gibatunan nga tertiary laboratory  sulod sa  GTLMH. Gidason pa nga pipila na lang ka mga kahimanan ang kulang sa hospital ning kasamtangan  nga mao ang  microbio ug histopath tungod kay magtudlo pa sila og mga staff nga maoy mag-operate sa maong machine.

Sa eksklusibong pakighinabi sa Juander Radyo News Team gibutyag ni Dr. Daguman nga sa gibatunan nga mga bag-ong kahimanan sa ospital ni panahuna kung asa naka-ready na, gipaklaro nga ang empleyado na lang nga mo-operate niini mao ang kulang.

Gidugang pa ni Dr. Daguman nga aduna nay mga tawo nga nakatakda nga maoy mo-operate sa machine karong umaabot bulan sa Enero, apan ipailalom pa kini sa usaka bulan nga training.

Dugang usab sa gitinguha sa kadumalahan sa GTLMH nga mahingusgan nga mabatunan ang uban pang mga kakulangon sa tambalanan sa tinguha nga maka-apply kini  isip level 2 nga hospital.