Nadakpan sa kapulisan sa lungsod sa Sto. Tomas ang usa ka suspetsadong drug peddler atol sa gilusad nga buy-bust operation sa Purok 16, Bulahan, Barangay Tibal-og, Santo Tomas, alas 10:02 niadtong nakalabay nga adlaw.
Giila ang suspek nga si alyas Ben, 48 anyos, panday, ug residente sa maong lugar.
Nakumpiska gikan kaniya ang usa ka sachet sa gituohang shabu nga may gibug-aton nga .22 gramo ug gibanabana nga kantidad nga Php 1,496.00, lakip ang mga buy-bust money.
Gimando ang operasyon ubos sa pagpanguna ni PMAJ Eduardo J. Corpuz, OIC sa Santo Tomas MPS, uban ang 2nd DNPMFC, Regional Intelligence Division kon (RID), ug PDEA. Human sa operasyon, gipaubos ang suspek sa medical examination ug gidala sa Santo Tomas MPS alang sa pormal nga kaso ilalom sa R.A. 9165 o Comprehensive Dangerous Drugs Act of 2002.
Matod pa ni PMAJ Corpuz, padayon ang kapulisan sa ilang hugot nga kampanya kontra ilegal nga droga aron mapanalipdan ang kabataan ug katawhan. Ug ingon man, dili mopahulay ang kapulisan hangtod makab-ot ang usa ka luwas, malinawon ug drug-free nga Santo Tomas.
Photo for illustration Courtesy to:Galbally parker
