Gipanghimakak sa aktres nga si Kris Bernal ang mga pasangil nga gisundog niya ang estilo ni Heart Evangelista.
Sa usa ka pakighinabi, gipahayag ni Kris nga wala siyay ideya kung asa gikan ang mga alegasyon. Matod pa niya, dili siya dato sama ni Heart ug wala usab siyay mga mahalong mga alahas o bag nga parehas sa gipanag-iyahan sa maong fashion icon.
Gipasabot usab sa aktres nga iyang gi idolo si Heart ug wala siya nasina sa kahimtang niini sa baylo, inspirasyon niya kini aron mas maningkamot ug magmalampuson sa kaugalingong paagi.
Nahinumduman nga si Heart Evangelista usa ka iladong international fashion figure nga pirming makita sa Milan ug Paris Fashion Weeks, samtang si Kris Bernal karon nagbalik sa pag-arte human mopirma ug kontrata sa usa ka iladong tv station sa nasud.
Photo: Publiko
