Gipasabot sa Provincial Disaster Risk Reduction and Management Office (PDRRMO) nga 50,327 ka pamilya o katumbas sa 186,529 ka indibidwal ang naapektuhan sa sunod-sunod nga linog nga mihapak sa lalawigan.
Ang mga baybayong lungsod sa San Agustin, Marihatag, Carrascal, Cortes, ug Cagwait — diin nahimutang ang sentro sa pag-uyog — mao ang pinakagrabeng naapektuhan, sumala sa inisyal nga assessment sa PDRRMO.
Sa susamang report, 11 ka indibidwal ang nasamdan, lakip ang unom (6) sa Bislig City, tulo (3) sa Lingig, usa (1) sa Carrascal ug usa (1) usab sa Lanuza.
Padayon usab ang probinsyal nga pangagamhanan sa Surigao del Sur sa pakigkoordinar sa mga lokal nga pangagamhanan (LGUs) ug mga nasyonal nga ahensya aron mapadali ang pag-apod-apod sa ayuda ug mapasig-uli ang mga nadaot nga imprastraktura sa mga apektadong komunidad.
Gipahinumdoman sa PDRRMO ang katawhan nga magpabilin nga alerto ug andam sa mga posible pang aftershocks, samtang nagpadayon ang pagtabang ug assessment sa mga lugar nga apektado.
Photo courtesy: LGU SAN MIGUEL
