Himas rehas ang bag-ong naila nga Street Level Individual (SLI)human makuhaan sa kapulisan ug druga atol sa gilusad nga drug buy-bust operation sa may Purok 3, Barangay Switch, Ramon Magsaysay, Zamboanga del Sur, adlaw’ng byernes, Oktubre 10, 2025.
Gikasa ang operasyon sa pagpanguna sa mga personahe sa ZSPDEU, ZSPIU, 902nd MC-RMFB9, ug Ramon Magsaysay MPS, sa koordinasyon sa PDEA 9 nga miresulta sa pagkasikop ni alyas “Mike”, 28 anyos.
Nakumpiska gikan kaniya ang duha ka mga pakete sa drugang shabu, buy-bust money, usa ka Vivo cellphone, usa ka itom nga belt bag, ug usa ka itom nga Honda XRM motorcycle.
Ang mga nakuhang ebidensya gidala sa Provincial Forensic Unit, Camp Abelon, Pagadian City, alang sa laboratory examination.
Samtang ang suspetsado gidala sa Ramon Magsaysay Municipal Police Station ug gikatakda mag-atubang sa kasong paglapas may kalabutan sa Republic Act 9165 kon Comprehensive Dangerous Drugs Act of 2002.
