Nagpadayon ang Department of the Interior and Local Government (DILG) Iligan City sa pagtuman sa ilang oversight functions, ilabina sa paghatag og technical assistance sa lokal nga panggamhanan sa syudad ug sa mga barangay nga sakop niini.
Gisiguro sa DILG nga ang LGU Iligan ug ang mga kabarangayan mosunod sa ilang mandato, lakip na ang pagtuman sa nagkalain-laing mga balaod ug polisiya sa nasudnon nga lebel.
Gipadayag ni City Director Maria Maida Daniot nga kabahin sa ilang strategic priorities mao ang pagpalig-on sa Civil Society Organizations (CSOs) ug mga people’s organizations, isip kabahin sa participatory governance.
Gidugang pa ni Daniot nga usa pa sa giuna sa ilang strategic direction mao ang Philippine Anti-Illegal Drugs Strategy (PADS), nga naglangkob sa mga programa batok sa illegal nga droga, uban sa kusganong suporta sa Iligan City Government pinaagi sa City Anti-Drug Abuse Council (CADAC).
