Wala gyud mohunong si Ashley Ortega sa pagpangita og paagi aron magkauli ug magtingog sila pag-usab sa iyang inahan human sa tulo ka tuig nga pagkabugnaw sa ilang relasyon.
Sumala sa aktres, bisan og dugay na silang wala nagkasinabtanay, nagpadayon gihapon siya sa pag-ampo nga mauli ang ilang maayong relasyon. “I always pray for her peace of mind and good health,” matod pa ni Ashley atol sa iyang panayam sa Fast Talk with Boy Abunda.
Gipasabot usab ni Ashley nga bisan lisod ang kahimtang, mapasalamaton siya kay adunay tawo nga kanunay niyang masandigan — ang iyang uyab nga si Mavy Legaspi. Giingon niyang dakong tabang si Mavy aron dili siya mabug-atan sa emosyonal nga mga pagsulay nga iyang giatubang.
Bisan og hangtod karon wala pa sila nagtingog sa iyang inahan, nagpadayon gihapon ang aktres sa paglaum nga maabot ang panahon nga magkasinabtanay sila pag-usab ug mauli ang ilang relasyon isip mag-inahan.
Photo Courtesy to: The Daily Chronicle
