Nadakpan sa mga personahe sa Panabo City Police Station ang usa ka wanted person nga giila nga si Edgar Tan, 39 anyos, minyo, ug residente sa Amiya Residence, Barangay Talomo, Davao City.
Base sa report sa Davao del Norte Police Provincial Office, nadakpan si Tan alas 4:02 sa hapon, Oktubre 6, 2025, pinaagi sa operasyon nga gihimo sa Panabo PNP, 2nd Davao Norte Provincial Mobile Force Company, ug uban pang nagkalain-laing pwersa sa kapulisan sa nahisgutang probinsiya sa sulod sa BJMP Panabo City District Jail sa Barangay Salvacion, sa samang probinsya sa Davao del Norte.
Gibase ang pagdakop pinaagi sa Warrant of Arrest nga giisyu ni Honorable Judge Ma. Rowena Molago Alijandria sa Regional Trial Court, National Capital Judicial Region, Branch 121, Caloocan City, alang sa kaso nga Estafa ubos sa nakadokit sa Criminal Case Numbers nga adunay gipahamtang nga piyansa nga Php20,000 matag kaso.
Sa karon, nagpabilin ang maong suspek sa BJMP Panabo alang sa tukmang disposisyon.
Photo for illustration Credits to: Tactical Gear
