Angol ang usa ka 46 anyos nga lalaki human kini gitigbas sa iyang kainom sa Purok Alegre Barangay Monte Alegre Aurora Zamboanga Del Sur, pasado alas 8:30 sa gabii, Octobre 5, 2025.
Naila ang biktima nga si “Renante”, 46 anyos, minyo, usa ka mag-uuma, samtang wala pa sab hinganlin sa Aurora PNP ang suspect nga usa ka 30 anyos nga pulos residente sa lugar.
Sa imbestigasyon sa mga kapulisan ang biktima ug ang suspect nagkalalis diha sa imnanan nga miresulta sa pagkuha ug sundang sa suspect ug gitigbas ang biktima.
Human sa maong panghitabo ang biktima nakaangkon ug samad tinigbasan sa ubos nga bahin sa iyang buko2x ug dali kining gidala sa balay tambanan aron kini katambalan, hinuon anaa na karon sa luwas nga kahimtang.
Samtang ang suspect nadakpan ra sab sa ming responding kapulisan diha sa crime scene, ug tanggong na kini sa Aurora Municipal Police Station, kansang naghulat nalamang sa kasong ipasaka batok kaniya.
Photo Courtesy to: Aurora Municipal Police Station
