Sikop sa kapolisan ang usa ka alyas “Kenya” atol sa pagpatuman sa search warrant nga niresulta sa pagkasakmit sa gituohang shabu ug mga drug paraphernalia niadtong nakalabay nga adlaw.
Gitunolan ang suspek sa mga kapulisan sa search warrant sa panimalay sa maong suspek didto sa Purok 1, Barangay San Juan, Maco, Davao de Oro . Ang operasyon adunay clearance gikan sa Philippine Drug Enforcement Agency.
Nasakmit atol sa operasyon ang tulo ka heat-sealed sachet sa gituohang shabu, usa ka open sachet nga dunay mga timailhan sa druga, usa ka metal canister, usa ka glass tube nga adunay residue, usa ka pouch, duha ka lighter, ug tulo ka strips sa aluminum foil.
Ang suspek ug ang mga nasakmit nga ebidensya gidala sa Maco Police Station alang sa tukmang disposasyon.
Photo Courtesy to:Maco Police Station
