Padayong gipahugtan sa Iligan City Police Office (ICPO) ang ilang kampanya batok sa pagsumpo sa gipayuhot nga mga illegal nga mga kontrabando sa syudad sa Iligan , ilabi na sa mga motorista o sakyanan nga moagi sa Iligan nga nagkarga og mga smuggled nga sigarilyo padulong sa laing lugar.
Kini ang gibutyag ni Police Major Zandrex Panolong, Spokesperson sa ICPO, atol sa eksklusibong pakighinabi sa Juander Radyo News Team.
Matud pa ni Panolong, sayon lang ilhon ang mga smuggled nga sigarilyo tungod kay wala kini wala health warning sign nga gi-obligado sa mga lehitimong produkto.
Gipasidan-an usab niya ang publiko nga base sa kasamtangang balaod, ang bisan kinsa nga madakpan nga namaligya o nagdala og smuggled nga sigarilyo mahimong mag-atubang sa bug-at nga silot, lakip na ang dakong multa ug posibilidad sa pagkabilanggo.
Gihangyo sa usab sa ICPO ang kooperasyon sa publiko sa pagsumbong sa bisan unsang kadudahang kalihukan nga may kalambigitan sa pagpamaligya o pagtransport sa illegal nga sigarilyo , aron mapugngan ang pagkatap niini sa merkado.
