Giklaro ni Regional Communications Officer Noel Nacion, ang usa ka programa sa Social Security System SSS nga KaltaSSS Collect Program.
Sumala pa ni Nacion, nga ginatuyo kini nga programa para sa mga Job Orders ug Contract of Service (COS) workers sa gobyerno nga wala’y permanente nga empleyo, ug dili sakop sa GSIS kon Government Service Insurance System.
Dugang pa, ilaha silang i rehistro sa SSS isip Self Employed members pinaagi sa mga posibleng tukmang ahensya sa gobyerno o lokal nga kagamhanan nga mahimong coverage ug collection partner.
Gipaklaro usab nga makabenepisyo ang mga empleyo ilawom sa KaltaSSS Collect Program sama sa Sickness benefit, Maternity benefit, Disability benefit, Retirement benefit ug Funeral and death benefits.
Kahinumduman, niadtong milabayng semana nakadawat og lain-laing pasidungog ang LGU Antipas, Mapet, Makilala, Kidapawan City, lakip na ang University of Southern Mindanao (USM), National Irrigation Association (NIA) ug Provincial Government, gikan sa nahisgutang programa sa SSS.
Photo Courtesy to:SSS
