Nadakpan sa kapulisan sa New Corella kauban ang 1st DNPMFC ang Top 1 Most Wanted Person Municipal Level, atol sa usa ka joint operation ala-1:58 sa hapon, Oktubre 2, 2025, sa New Corella, Davao del Norte.
Gipangulohan ang operasyon sa New Corella Municipal Police Station, ubos sa mando ni PMAJ David S. Ybalio Jr., Acting Chief of Police sa maong lungsod.
Mag-atubang ang suspek og duha ka kaso sa Rape nga walay girekomendar nga piyansa ug usa ka kaso sa Rape by Sexual Assault nga adunay girekomendar nga piyansa nga ₱200,000. Ang warrant of arrest giisyu ni Hon. Jimmy Bustillo Boco, Presiding Judge sa RTC Branch 2, Tagum City, kaniadtong Setyembre 3, 2025.
Sa pagkakaron, anaa na sa kustodiya sa New Corella Municipal Police Station ang suspek alang sa dokumentasyon ug hustong disposisyon. Matod sa kapulisan, nakab-ot ang kalampusan sa operasyon tungod sa tabang ug kooperasyon sa komunidad nga naghatag sa mahinungdanong impormasyon.
Photo for illustration credits to: adobe stock
