𝐁𝐈𝐍𝐈 𝐀𝐈𝐀𝐇 𝐀𝐑𝐂𝐄𝐓𝐀, 𝐍𝐀𝐆𝐏𝐀𝐀𝐁𝐎𝐓 𝐎𝐆 𝐓𝐀𝐁𝐀𝐍𝐆 𝐒𝐀 𝐌𝐆𝐀 𝐍𝐀𝐁𝐈𝐊𝐓𝐈𝐌𝐀 𝐒𝐀 𝐋𝐈𝐍𝐎𝐆 𝐒𝐀 𝐂𝐄𝐁𝐔

‎

Nagpahayag sa iyang kabalaka ug tinguha sa pagtabang si Aiah Arceta, usa sa mga miyembro sa Nation’s Girl Group nga BINI, human nga naigo sa kusog nga linog ang iyang lumad nga probinsya sa Cebu.

‎Sa usa ka Instagram Story, gipaambit ni Aiah ang balita gikan sa kapamilya network kabahin sa 6.9 magnitude nga linog nga miigo sa Cebu, ilabina sa syudad sa Bogo ug mga kasikbit nga lugar.

‎Matod niya sa iyang  pamilya, mga higala, ug tanan nga naa sa Cebu, naglaum kini  nga luwas ra tanan. Bisan pa man nga wala  siya  karon sa Cebu, nag-uban gihapon ang iyang panghinaot sa mga biktima.

‎Kasamtangang naa sa Cagayan de Oro si Aiah uban ang BINI members alang sa ilang BINIverse ug MINIverse shows, apan bisan layo siya, wala siya nakalimot sa iyang mga Sugbohanon.

‎Dugang pa, ang iyang cap business nga “It’s Arc” mipahibalo nga usa ka bahin sa kita sa ilang bag-ong release kaniadtong Setyembre 30 ilang i-donar alang sa mga apektado sa linog.

Photo Courtesy to:Orange Magazine