Gitudlo isip unang babaye nga Scout Ambassador sa Boy Scouts of the Philippines (BSP) si rising star ug actress-host nga si Shuvee Etrata. Nipirma og memorandum of agreement ang 24-anyos nga aktres, diin nakita siya nga nagsul-ob og full scout uniform.
Si Etrata ang magrepresentar sa organisasyon sa mga kalihokan ug mga kampanya sa BSP, lakip na ang pagpangulo, serbisyo ug pakiglambigit sa komunidad sa mga kabatan-onan nga Pilipino.
Unang naila si Etrata isip usa sa mga housemate sa sikat nga reality television show nga “Pinoy Big Brother: Celebrity Collab Edition,” ug dinhi nagsugod ang pag-abli sa daghang pultahan sa showbiz, apil na ang mga endorsement.
Nahimong sentro sa grabeng pagsaway ang aktres, human nitumaw ug gibuhi pag-usab ang iyang mga daan nga post ug video sa social media kalabot sa giyera ni kanhi Presidente Rodrigo Duterte batok sa droga, sa iyang giingong pabor sa pagpasira sa usa ka major television network (ABS-CBN), ug mga isyu nga may kalabotan sa komedyante nga si Vice Ganda, butang nga giklaro sa aktres sa usa ka interview.
Photo Courtesy to:kami
