Daling gidala sa balay tambalanan ang usa ka mananagat human kini maka-angkon og mga samad ug bun-og sa ulo gumikan sa pagpangulata sa tulo ka mga suspetsado sa Purok Padang-Padang, Barangay Gusom, Kumalarang, Zamboanga del Sur, adlaw’ng Miyerkules, Octubre 01, 2025.
Giila ang biktima sa alyas “Montong”, 47 anyos, lalaki, mananagat samtang ang mga suspetsado giila nga sila si alyas Ricky, 53 anyos, ug usa ka alyas Budaser, 33 anyos, managsamang nga mananagat ug lumulupyo sa lugar.
Sa imbestigasyon nasayran, ang biktima ug ang mga suspetsado nag-inom ug ilimnong makahubog nga miresulta sa init nga panaglalis ug paghapak sa suspetsado ug kahoy ngadto sa ulo sa biktima nga miresulta sa serious head injuries.
Una nga gidala ang biktima sa RHU Kumalarang alang sa medikasyon apan gi-refer kini dayon sa Zamboanga del Sur Medical Center, Pagadian City alang sa tukmang medikasyon.
Human sa panghitabo, ang mga kapulisan nagpahigayon og hot pursuit operation nga miresulta sa pagkadakop sa mga suspetsado nga karon anaa na sa Kumalarang MPS alang sa tukmang lakang.
Photo Courtesy to:Vancouver is awesome
