Sikop ang Tulo ka drug suspects sa operasyon nga gipahigayon sa mga operatiba sa Philippine Drug Enforcement Agency – Region XI (PDEA-XI) sa Purok 9, Barangay Cadunan,Mabini, Davao de Oro alas 3:40 sa kaadlawon, Oktubre 1, 2025.
Subay sa taho sa PDEA-XI, giila ang mga nadakpan nga sila alyas “Nikoy”, 25 anyos, giingong maintainer sa drug den; alyas “Oning”, usa ka empleyado sa drug den; ug alyas “Aying”, usa ka bisita sa lugar.
Gikumpirma sa mga otoridad nga si alyas “Nikoy” ang target sa operasyon, human siya makit-i nga nipamaligya og 10 ka gramo sa gituohang shabu.
Dugang pa, narekober gikan sa lugar ang 7 ka pakete sa gituohang shabu nga may gibug-aton og 19 ka gramo ug gibanabana nagkantidad og ₱130,000.
Lakip sa mga nakumpiskar mao ang usa ka Glock .40 caliber nga pistola, mga bala, ug mga drug paraphernalia.
Ang mga suspetsado temporaryong gibilanggo sa PDEA Davao de Oro Provincial Office, samtang giandam na ang kasong paglapas sa Republic Act 9165, o ang Comprehensive Dangerous Drugs Act of 2002.
Photo Courtesy to:PDEA Davao de Oro Provincial Office
