Nasakmit sa kapulisan sa San Isidro Municipal Police Station ang mga gituohang ilegal nga droga ug armas atol sa implementasyon sa search warrant sa pinuy-anan sa suspek sa Prk. Guadalupe, Brgy. Sawata, San Isidro Davao del Norte.
Ang suspetsado giilang usa ka alyas Kirat, 32 anyos, single, walay trabaho, residente sa nahisgutang lugar ug gikonsiderang Street Level Individual.
Nalutsan kini sa warrant to search human mipakanaog ang korte pinaagi ni Hon. Sharon Rose T Saracin, Executive Judge, 11th Judicial Region, RTC, Branch 30, Tagum City sa paglapas sa Republic Act 9165 kon Comprehensive Dangerous Drugs Act of 2002 ug Republic Act 10591 kon paghupot og ilegal nga armas.
Nakuha sa iyang posesyon ang siyam (9) ka mga pakete sa gituohang shabu nga adunay Standard Drug Price nga mobalor ngadto sa P13,600 ug ang usa ka unit sa .38 kalibre nga armas nga adunay lima (5) ka buhing bala ug usa ka coin purse.
Sa pagkakaron ang suspetsado naka kustodiya na sa San Isidro Municipal Police Station alang sa tukmang disposasyon.
Photo for illustration credit to:istock
