Gipahigayon ang usa ka Serbisyo Caravan nga may tema Paghatag og Kusog sa Komunidad Alang sa Padayun nga Kalinaw sa Barangay Tinongtongan, Bansalan, Davao del Sur.
Tumong niini nga mapaduol ang serbisyo sa katawhan, ilabi na sa mga lagyong komunidad. Sa impormasyon sa National Commission on Indigenous Peoples (NCIP) Davao del Sur, nagkahiusa ang nagkadaiyang ahensya sama sa Municipal NTF-ELCAC, 39th Infantry Battalion, Municipal Health Office, Municipal Agriculture Office, ug uban pang buhatan aron mahatagan og kalipay ug tabang ang mga residente.
Lakip sa ilang gihatag mao ang libreng medical ug legal consultation, libreng tuli, skills demonstration alang sa bangus deboning, libreng birth registration, ug pagpanagtag sa coffee seedlings ug giant bamboo alang sa mga mag-uuma. Ang kalihokan nagpakita sa tinud-anay nga panaghiusa sa gobyerno ug katawhan aron maangkon ang padayun nga kalinaw ug kalamboan sa komunidad.
SOURCE: MUNICIPAL GOVERNMENT OF BANSALAN
