Nakumpiska sa Department of Trade and Industry (DTI) og kapin 3,000 ka uncertified nga mga home appliances. Gipahigayon ang operasyon sa DTI sa usa ka bodega sa Bulacan.
Narekober ang appliances nga nagbalor sa P13.2 milyon, nga naglakip sa electric kettles, electric fans, pressure cookers, rice cookers, multi-cookers, induction cookers ug blenders.
Gibaligya ang maong mga appliances sa online nga walay bisan unsang markings. Kahibaloang nagpahigayon og test buy ang DTI ug napamatud-an nga walay Philippine Standard (PS) marks ug Import Commodity Clearance (ICC) stickers ang mga produkto.
Photo Courtesy to:ABS-CBN
