Gidayeg karon ang kausaban sa DDOPH Montevista kon ikumparar sa nanglabayng mga buwan. Kahinumduman nga kaniadto nga lisod ang kahimtang sa paghigda sa mga pasyente, karon hapsay tungod sa mga bag-ong higdaanan og mga foam beds, lakip na ang mga bintilador para preskong hangin.
Paspas na usab ang pagproseso sa mga papeles labaw sa tanan sakto na ang supply sa mga medisina. Kini tungud sa paspas nga lakang nila Governor Raul Mabanglo ug Congresswoman Maricar Zamora-Mabanglo human sa ilang pagbisita sa mga hospital niadtong Hulyo ning tuiga.
