Gipahibalo sa Starbucks niadtong Huwebes nga tangtangon nila ang gatusan ka empleyado ug sirad-an ang pipila ka tindahan sa North America.
Matod sa kompanya, mikunhod og anaa sa 1 porsyento ang ihap sa ilang company-operated stores sa fiscal year 2025, apan magpabilin nga halos 18,300 ang total nga Starbucks locations lakip na ang company operated ug licensed sa U.S. ug Canada.
Lakip sa plano ang pagkunhod sa non-retail headcount ug gasto, diin mga 900 ka non-retail partner roles ang tangtangon ug daghang open positions ang dili na pun-on.
Gibutyag sa Starbucks nga paningkamotan nilang ibalhin ang mga empleyado sa duol nga branches kung mahimo ug maghatag usab og “comprehensive severance packages” alang sa dili na madawat og balik.
Ang desisyon misunod human mikunhod ang global sales sa Starbucks og 2 porsyento sa ikatulong quarter. Mikabat usab og pagminus ang kita sa unang duha ka quarters sa fiscal year.
SOURCE: PNA NETWORK
Photo Courtesy to:REUTER
