Gipadayag ni Captain Paul Michael Hechanova, Philippine Navy, Commanding Officer sa FFGO6 – BRP Miguel Malvar, nga nagpadayon ang ilang training aron ma master ang nagkalain laing mga sistema sa bag-ong barko.
Sa eksklusibong pakighinabi sa Juander Radyo news team, gibutyag ni PCPT Hechanova, nga tungod bag-o pa kaayo ang barko gikinahanglan pa sa iyang mga ginsakpan ang dugang training aron hingpit mabatunan ang kahanas sa pag operate sa bag-ong war ship nga nakabisita sa syudad sa Iligan.
Apan gipaklaro nga dili lang ang armas ug sensor ang ilang giprioritize, kondi apil usab ang makina ug uban pang mga sistema nga ilang gitun-an pag-ayo.
Matud pa ni Captain Hechanova, limitado pa ang iyang kahibalo sa pag operate sa barko, apan gipaniguro nga magpadayon ang pagkat-on aron mo-improve pa kini ug ang iyang team aron mas mapadali ug mas mapaayo pa ang operasyon sa bag-ong barko.
