Naghatag pahimangno ang kadumalahan sa Iligan City Police Station 2, pinaagi ni Police Captain Reagan Yap. Adap,- OIC Station Commander, ngadto sa tanang katawhan ilabina sa mga motorista nga magdoble -amping ug tumanon gayud ang mga balaod sa trapiko aron malikayan ang disgrasya.
Matud ni PCPT. Adap nga bisan padayon ang pagpatrolya sa kapulisan ug ang pagsita sa iresponsabling mga driver nga masupakon sa traffic rules and regulations, aduna gihapoy mga drayber nga wala mo-obserbar sa gitakdang speed limit ug uban pang regulasyon hinungdan sa daghang aksidente sa kadalanan.
Busa, naghatag pahimangno ang hepe sa Police Station 2 sa syudad sa Iligan nga magmatngon kanunay, ug sundon ang gipatumang balaod sa trapiko ug siguruhon ang kaluwasan sa kaugalingon ug sa uban. Diin ang kaluwasan sa dalan, dili lang para sa usa, kondili alang sa tanan.
