Gisumite na sa kongreso ang usa ka balaod nga nagtinguha nga patas-an ang buwis sa alkoholohikong ilimnon aron mapugngan ang sobra nga pag-inom ug makakuha og dugang nga pondo para sa Universal Health Care (UHC) program sa nasud.
Gisumite ni Rep. Nathaniel Oducado sa 1Tahanan party-list ang House Bill 3887 aron makatabang pagpakunhod sa mga problema sa kahimsog ug sosyal nga may kalabotan sa alkohol, masiguro ang pondo para sa mas maayong serbisyo sa panglawas, ug sa katapusan, makatabang pagluwas sa kinabuhi.
Gipanghimakak sa mambabalaod ang datos gikan sa World Health Organization (WHO), nga nag-ingon nga ang alkohol usa sa mga nanguna nga hinungdan sa kamatayon ug sakit sa tibuok kalibutan. Sa tuig 2019 lang, ang paggamit sa alcohol nakapatay og 2.4 milyong tawo sa kalibutan, lakip na ang labing menos 40,000 ka mga Pilipino.
Sa Pilipinas, ang Department of Science and Technology–Food and Nutrition Research Institute (DOST-FNRI) mitaho sa ilang 2023 National Nutrition Survey nga 60.3 porsyento sa mga hamtong ang nag-inom ug alkohol.
Kapin sa katunga sa mga tin-edyer ug hamtong ang nabatasan na ang pag-inom niini sulod sa daghang mga katuigan.
Gipahimangnoan ni Oducado nga ang pag-inom ug alkoholohikong ilimnon adunay koneksyon sa mga non-communicable diseases, domestic violence, aksidente sa kalsada, ug mga problema sa panghunahuna.
Kini nagresulta sa bilyon-bilyong piso nga gasto sa direktang medikal ug mga pagkawala sa trabaho tungod sa ubos nga produktibidad ug sayo nga pagkamatay.
Base sa unang pagtantiya, ang House Bill 3887,makadugang sa pondo nga mokabat sa P200 bilyon nga dugang kita sulod sa sunod unom ka tuig, nga magsiguro sa lig-on nga proteksyon sa kahimsog ug mas dako nga pinansyal nga kalig-on para sa nasud.
Photo Courtesy to: Boozy.ph
