Tungod sa kagubot sa politika ug sa nagpadayong imbestigasyon sa flood control scandals, ang Philippine peso mikunhod ngadto sa labing ubos nga lebel sulod sa duolang duha ka bulan sa ₱58:1 batok sa United States (US) dollar.
Nisirado kini sa ₱58.1 niadtong Huwebes, Setyembre 25, gikan sa ₱57.46 niadtong Miyerkules, Setyembre 24. Kini ang labing ubos sukad niadtong Agosto 1 sa ₱58.145, sumala sa Bankers Association of the Philippines (BAP).
Ang lokal nga kuwarta miabot sa intraday low nga ₱58.17 ug nakaabot sa high nga ₱57.73, human nag-abli sa ₱57.75. Ang total trading volume misaka ngadto sa $2.145 bilyon gikan sa $1.735 bilyon niadtong Miyerkules.
Matod sa usa ka trader, ang foreign exchange (forex) rate nisirado nga mas taas “tungod sa kagubot sa pulitika dala sa congressional inquiry bahin sa flood control scandal.”
Si Jonathan Ravelas, senior adviser sa Reyes Tacandong & Co., miingon nga ang paghuyang sa peso mahimong ikapasangil sa “tariff uncertainty, pagsaka sa kagubot sa pulitika sa rehiyon [ilabi na sa Indonesia ug Thailand], ug mga reaksyon sa floodgate (scandal).”
Photo courtesy: BusinessWorld Online
